Qadın voleybolçular arasında İtaliya A seriyasında IV turun oyunları keçirilib. Apasport.az saytının məlumatına görə, tur çərçivəsində Azərbaycan millisinin hücumçusu Yelizaveta Səmədovanın formasını geyindiyi “Skandiççi” “Firentse”nin qonağı olub.

Qarşılaşma təmsilçimizin komandasının 3:0 hesablı qələbəsi ilə yekunlaşıb. Səmədova ilk 3 turda olduğu kimi bu dəfə də meydana buraxılmayıb. Komandanın baş məşqçisi Karlo Parisinin voleybolçumuza etimad göstərməməsi Azərbaycan çempionunun heç də lehinə deyil. Çünki potensial vəd edən Yelizaveta növbəti görüşlərdə də forma geyinməyəcəyi halda, heç də formasını qoruya bilməyəcək. Əvəzində onunla yanaşı, yığmamız da əziyyət çəkəcək.

Qeyd edək ki, aktivində 12 xal olan “Skandiççi” 2-ci pillədə qərarlaşıb. 

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq