Qadın voleybolçular arasında Avropa Liqasının final mərhələsi çərçivəsində keçirilən Slovakiya - Azərbaycan görüşünün statistikası açıqlanıb. Apasport.az saytının məlumatına görə, Faiq Qarayevin yetirmələrinin 3:1 hesablı qələbəsi ilə başa çatan görüşün bombardiri Polina Rəhimova olub.

Hücumçumuz 20 xal toplayıb. Digər voleybolçularımızdan Kseniya Poznyakla Odina Bayramova hərəyə 10, Yana Kulanla Olena Həsənova hərəyə 9, Şəfaqət Həbibova 4 və Anastasiya Qurbanova 2 xal yığıb.

Rəqibin heyətində isə Mixaela Abrhamova və Tatyana Crkonova məhsuldar olub. Onların hərəyə 12 zərbəsi dəqiq alınıb.

Qeyd edək ki, komandalar arasında cavab matçı iyulun 3-də Bakıda olacaq. 

• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə
• "Azərreyl" "Gənclər"ə qarşı - Yüksək liqada növbəti oyunlar