Beynəlxalq Həndbol Federasiyası yeni reytinq siyahısını açıqlayıb. Apasport.az saytının məlumatına görə, Azərbaycan heç bir cədvəldə yer almayıb.  

Belə ki, ölkəmizin adı qadınlar, kişilər, gənclər və yeniyetmələrin siyahısında yoxdu. Buna səbəb komandalarımızın son dünya çempionatlarının seçmə mərhələsinə qatılmamasıdı.

Kişilərdən ibarət komandamızın tarixi ərzində qatılmadığı mundialın seçməsində qadınlardan ibarət millimiz sonuncu dəfə 2015-də oynayıb və həmin vaxtda qrupda qalıb.

Aşağı yaş qrupuna gəlincə, yalnız gənc qızlardan ibarət həndbolçularımız DÇ-2001-də oynayıb. Yeniyetmələr kimi, nə U-17, nə U-18, nə də U-19 komandalarımız mundialda seçmə mərhələ sevinci yaşamayıblar.

Qeyd edək ki, hər cədvələ 50 ölkə salınıb. Bu, siyahıda sonuncuların 1 xalı olması ilə bağlıdı. Yerdə qalan ölkələr isə Azərbaycan kimi 0 xal həddini aşa bilmirlər. 

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq