16 yaşadək oğlan basketbolçular arasında Avropa çempionatının C divizionunda ilk turun oyunları keçirilib. Apasport.az saytının məlumatına görə, Kiprdə keçirilən yarışda A qrupunda mübarizə aparan Azərbaycan millisi ilk matçında Uelslə qarşılaşıb.

Yığmamız çempionata qələbə ilə start verib – 75:51 (15:8, 26:23, 17:14, 17:6). Millimizin heyətində Səadəttin Donat hamıdan məhsuldar olub – 19 xal.

Qrupumuzun digər oyununda meydan sahibləri San-Marinonu darmadağın edib – 80:28.

Qeyd edək ki, bu gün baş tutacaq II turda yığmamız Kiprlə görüşəcək. Qarşılaşma Bakı vaxtı ilə saat 19:15-də start götürəcək.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq