Qadın voleybolçulardan ibarət Azərbaycan yığmasının təlim-məşq toplanışının vaxtı dəqiqləşib. Apasport.az saytının məlumatına görə, komandamız mayın 3-dən hazırlıqlara start verəcək.

Yığmamız həmişə olduğu kimi Bakıda bir araya gələcək. Təlim-məşq toplanışında əsasən gənc və perspektivli oyunçulara üstünlük veriləcək. Bunda əsas məqsəd iyunda başlayacaq Avropa Liqasında ciddi hazırlıqdı.

Məşqçilər korpusu, həmçinin 1 ay davam edəcək məşqlərdə gələn il Bakıda keçiriləcək Avropa çempionatı üçün də ilkin heyəti formalaşdırmaq arzusundadı.

Təlim-məşq toplanışına xarici klubların qoşulması da istisna edilmir.

Qeyd edək ki, yığmamız Avropa Liqasında Fransa, Monteneqro və İspaniya ilə birgə B qrupunda yer alıb. 

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq