Kişi voleybolçulardan ibarət Azərbaycan millisində ikinci məşqçinin adı rəsmiləşib. Apasport.az saytının məlumatına görə, yığmamızda Fərid Cəlalovun köməkçisi funksiyasını Sergey Nikulenko yerinə yetirəcək.

44 yaşlı çalışdırıcı ilə gələn ilin oktyabrına kimi müqavilə imzalanıb. Maraqlıdı ki, Nikulenko voleybola həndboldan gəlib. O, yığmamızla yanaşı, “Spartak”ın heyətində forma geyinib. Qadınlardan ibarət “Qaradağ” klubunun baş məşqçisi olan mütəxəssis, həmçinin İranın kişilərdən ibarət yığmasında da eyni vəzifəni icra edib.

Nikulenkonun millidə əsasən fiziki hazırlığa cavabdehlik daşıyacağı da bildirilir.

Qeyd edək ki, Avropa Oyunlarından sonra Bülənt Karslıoğlunu Fərid Cəlalov əvəzləyib. Türkiyəli mütəxəssisin vaxtında isə ikinci çalışdırıcı funksiyasını Ziya Rəcəbov yerinə yetirib.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq