Qadın voleybolçular arasında Fransa çempionatında növbəti matçlar keçirilib. Apasport.az saytının məlumatına görə, VIII turun ilk oyun günündə Azərbaycan millisinin üzvləri də meydana çıxıblar.

Belə ki, Anastasiya Qurbanovanın şərəfini qoruduğu “Venel” “Sen-Rafael”in qonağı olub. Görüş təmsilçimizin komandası üçün uğurlu başlayıb. Lakin “Venel” ilk 2 seti aktivinə yazdıqdan sonra növbəti 3 hissəni uduzub – 2:3 (25:22, 25:23, 12:25, 20:25, 14:16). Qurbanova matçda 15 xal yığıb.

Olena Həsənova formasını geyindiyi “Le Kann” isə “Pari Sen-Klu”nu qəbul edib. Voleybolçumuzun komandası 0:3 (13:25, 22:25, 24:26) hesabı ilə məğlub olub. Həsənova görüşdə 11 xal toplayıb.

Tura bu gün yekun vurulacaq.

Qeyd edək ki, 8 matçdan sonra “Venel” 12 xalla turnir cədvəlində 6-cı, “Le Kann” 11 xalla 7-cidi.

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq