Qadın voleybolçular arasında CEV kubokunun 1/16 final mərhələsinin cavab oyunları keçirilib. Apasport.az saytının məlumatına görə, bu görüşlərdə Azərbaycan millisinin üzvləri müxtəlif klubların heyətində meydana çıxıblar.

Belə ki, Anastasiya Qurbanovanın şərəfini qoruduğu Fransa “Venel”i Almaniya “Dresdner”ini qəbul edib. Ev sahibləri səfərdə olduğu kimi bu dəfə də 0:3 hesabı ilə uduzub və yarışla vidalaşıb. Qurbanova qarşılaşmada 7 xal toplamaqla, komandasının ən məhsuldar oyunçusu olub.

Millimizin blokçusu Olena Həsənovanın çıxış etdiyi Fransa “Le Kann”ı da 1/8 finala yüksələ bilməyib. İlk görüşdə 1:3 hesabı ilə məğlub olan komanda bu dəfə də eynihesabla uduzub. Həsənova matçda 12 xal yığıb. 

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq