Azərbaycan yığmasının voleybolçusu Polina Rəhimovanın formasını geyindiyi "Fənərbaxça" klubu Türkiyə Sultanlar Liqasında növbəti oyununu keçirib. Apasport.az saytı xəbər verir ki, İstanbul təmsilçisi XX tur çərçivəsində "Vakıfbank"la qarşılaşıb.

Millimizin hücumçusunun da iştirak etdiyi görüş "Fənərbaxça"nın məğlubiyyəti ilə yekunlaşıb - 1:3.

İlk setdə 29:27 hesabı ilə üstün olan "Vakıfbank" ardınca 25:17 hesablı qələbə qazanıb. Üçüncü set "Fənərbaxça"nın üstünlüyü (25:21) ilə başa çatsa da, Rəhimovanın komandasının bundan artığına gücü çatmayıb.

Sonuncu seti 25:20 hesabı ilə öndə bitirən "Vakıfbank" görüşdən qalibiyyətlə ayrılıb.

Qeyd edək ki, Rəhimova 24 xalla ən məhsuldar oyunçu olub. 

• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq
• Gəncə klubunda üç ayrılıq