Beynəlxalq dərəcəli azərbaycanlı referi Fikrət Axundov Avropa Voleybol Konfederasiyasından növbəti təyinat alıb. Apasport.az saytının məlumatına görə, həmyerlimiz kişi komandalar arasında CEV kubokunun 1/8 final mərhələsinin cavab görüşləri çərçivəsində “Munisipal” (Rumıniya) – “Lozanna” (İsveçrə) matçında ədaləti qoruyacaq.

O, Zalauda olacaq qarşılaşmada ikinci hakim funksiyasını yerinə yetirəcək. Oyunun əsas referisi Aleksandros Milonakis təyin edilib.  Görüş dekabrın 16-da keçiriləcək.

Qeyd edək ki, bu klubların ilk matçında rumınlar 3:1 hesabı ilə qalib gəlib.

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub