Qadın voleybolçular arasında Yaponiya çempionatının əsas mərhələsinə yekun vurulub. Apasport.az saytının məlumatına görə, Azərbaycan millisinin hücumçusu Polina Rəhimovanın şərəfini qoruduğu “Totota” 21 turun nəticəsinə əsasən pley-offa vəsiqə qazanıb.

Kariya təmsilçisi keçirdiyi son 2 qarşılaşmada qələbə qazanmaqla buna nail olub. Belə ki, “Toyota” öncə “Okayama”nı məğlub edib. Rəhimovanın 55 xal (45 hücum, 3 blok, 7 eys) topladığı matçda komandası 3:2 (25:17; 25:18; 21:25; 31:33; 15:13) hesablı qələbəyə sevinib.

Onlar ardınca NEC klubuna heç bir şans verməyərək, 3:0 (25:22; 25:22; 25:21) hesabı ilə qələbə qazanıblar. Polina bu dəfə 19 xalla komandasına kömək edib. 17 dəfə hücumda dəqiq olan hücumçumuz 2 dəfə blokda keçilməz olub.

Beləliklə, çempionatın əsas mərhələsində 24 xal toplayan “Toyota” 6-cı yeri tutaraq, pley-offda iştirak etmək hüququ qazanıb. Bu qarşılaşmalar fevralda baş tutacaq.

• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə