Rusiya ilə Türkiyə arasındakı gərginlik idmana da sirayət edib. Apasport.az saytının Türkiyə mətbuatına istinadən məlumatına görə, Rusiyanın sambo yığmasından sonra voleybol klubu “Beloqorie” klubu da Türkiyə səfərindən vaz keçib.

“Beloqorie” dekabrın 1-də Çempionlar Liqasının qrup mərhələsi çərçivəsində “Arkas Spor”un qonağı olmalıdı. Lakin ruslar İzmirə gəlməyəcəklərini açıqlayıblar.

Bu məlumatı “Arkas Spor”un xarici əlaqələr şöbəsinin rəhbəri Bahadır Osman da təsdiqləyib: “Ruslar iki ölkə komandalarının oyunlarının təxirə salınması üçün Avropa Voleybol Konfederasiyasına (CEV) müraciət etmişdi. Əldə etdiyimiz məlumata görə, CEV matçın baş tutması yönündə qərar verəcək. Ancaq Rusiya klubunun meneceri istənilən halda oyuna gəlməyəcəklərini bizə bildirib”.

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub