Azərbaycan Respublikası Milli Paralimpiya Komitəsinin (ARMPK) nümayəndə heyəti Özbəkistan Paralimpiya Komitəsinin qonağı olub.

Apasport.az xəbər verir ki, səfər çərçivəsində ARMPK-nın baş katibi Toğrul Rəhimovun başçılıq etdiyi nümayəndə heyəti komitənin inzibati binasını ziyarət edib və Özbəkistan Paralimpiya Komitəsi sədrinin müavini Hikmət Toshmatov və sədrin müşaviri Mardonbek Davronov ilə görüşüb. 

Görüş zamanı tərəflər hər iki ölkədə paralimpiya hərəkatının inkişafı, mövcud əməkdaşlığın genişləndirilməsi, tibbi təsnifat məsələləri və bu sahədə mütəxəssislərin biliklərinin artırılması istiqamətlərini müzakirə ediblər.

Qeyd edək ki, səfərin ilk günündə ARMPK-nın nümayəndə heyəti Daşkənd şəhərində yeni inşa edilmiş Olimpiya və Paralimpiya şəhərciyi ilə tanış olublar.

• İlqar Aslanov: “Sabah bunun davamını gətirməliyik”
• “Neftçi”nin baş məşqçisini vuran mütəxəssisin cəzası Bəlli oldu
• Menecer: “Qarabağ”ın “transfermarkt”dakı qiymətinə baxanda təəccübləndim”
• Luis Enrike Mbappenin yerinə hücumçu seçib
• Şəhid övladları və Bakı-İstanbul liseyinin şagirdləri üçün stadion turu - FOTO - VİDEO