Misli Premyer Liqasının IX turunun “Qəbələ” ilə səfər oyununda hesabı açan Filip Ozobiç üçün bu qol ikiqat yubileylə əlamətdar olub.

Apasport.az saytı xəbər verir ki, “Qarabağ”ın yarımmüdafiəçisi həm çempionatda, həm də klubda yubiley qoluna imza atıb.

Filip Premyer Liqada özünün 50-ci qolunu vurub. Bu toplardan 16-sı “Qəbələ”, 34-ü “Qarabağ”ın heyətində qeydə alınıb. Ozobiç Ağdam klubunda ümumilikdə 40-cı dəfə fərqlənib. Onun hesabında çempionatdakı 34 topdan başqa 6 avrokubok qolu da var.

Qeyd edək ki, Filip Premyer Liqada ümumilikdə 129-cu, “Qarabağ”da bütün turnirlər nəzərə alınmaqla 136-cı matçını keçirib.
 

• “Bu cür oyunları çox keçirməliyik ki, uşaqlar inkişaf etsinlər”
• Ən çox klubda birgə çalışan 10 baş məşqçi və futbolçu
• Murat Sancak: “Məni nə Ali Koç, nə də Türkiyənin ən zəngin adamı ala bilər”
• Qurban Qurbanovdan rekord üçün növbəti cəhd və ya 4 fərqli final variantı
• “Lion” baş məşqçisini istefaya göndərdi