Krivotsyuk oynadı, komandası uduzdu

06.10.2024 - 15:14

Cənubi Koreya çempionatında mövsümün əsas hissəsi arxada qalıb.

Apasport.az xəbər verir ki, Anton Krivotsyukun çıxış etdiyi "Decon" yarışı 11-ci pillədə başa vurub.

Azərbaycan yığmasının müdafiəçisinin komandası 33-cü turda "Jeju" ilə qarşılaşıb və 1:2 hesabı ilə uduzub. Anton bu qarşılaşmada 90 dəqiqə meydanda olub. Hesabında 35 xal olan "Decon" sonuncu pillədə qərarlaşan "İnçon"u 3 xal qabaqlayır.

Qeyd edək ki, reqlamentə əsasən komandalar iki qrupda yarışacaqlar. 5 turdan ibarət mərhələdə ilk altılıq yüksək yerlər, ikinci altılıq isə liqada qalmaq uğrunda mübarizə aparacaq.