Daha əvvəl xəbər verdiyimiz kimi, Birinci Liqa klublarından "Mingəçevir" baş məşqçi dəyişikliyi etməyə hazırlaşır.
"Apasport"un məlumatına görə, rəhbərlik artıq bəzi namizədlərlə danışıqlar aparıb. Təcrübəli mütəxəssis Elşad Əhmədovla ilkin mərhələdə əlaqə saxlanılıb və gələcək perspektiv barədə müzakirələr gedib.
Əhmədovdan əlavə bir sıra mütəxəssislə də əlaqə saxlanılıb, ilkin söhbətlər aparılıb. Bunlardan biri də "Səbail"in sabiq baş məşqçisi Cavid Hüseynov olub. Hüseynovun "ağzı axtarılıb", şərtlər danışılıb.
Amma rəhbərliyin bütün planları pozulub. Belə ki, komandanın hazırkı baş məşqçisi Füzuli Məmmədov saytımızda gedən xəbərdən sonra vəziyyətdən hali olub və "aləmi bir-birinə qatıb".
Əvvəlcə klubun mətbuat xidmətinə təkzib postu paylaşdıran Məmmədov daha sonra rəhbərliyə müqavilə müddətini xatırladıb və komandadan indi göndəriləcəyi təqdirdə, bütün kompensasiya haqqını tələb edəcəyini bildirib.
Qarşılıqlı razılaşma əsasında yolların ayrılmasına isti yanaşmayan Füzuli Məmmədovun bu "rest"indən sonra çıxılmaz vəziyyətdə qalan rəhbərlik məşqçinin göndərilməsini yaya ertələmək məcburiyyətində qalıb.
May ayında 6 ayı tamam olacaq mütəxəssisi göndərməyi hədəfləyən "Mingəçevir" ondan sonra yeni baş məşqçi danışıqlarına qaldığı yerdən davam edəcək.
Oxşar xəbərlər
Ana səhifə
Bütün xəbərlər