“Qəbələ” daha bir legionerin transferini həll edib.

Apasport.az saytına verilən məlumata görə, bölgə təmsilçisi ispan futbolçu ilə anlaşmaya nail olub.

Söhbət son olaraq Xorvatiyanın “Varajdin” klubunda çıxış etmiş Xayme Sierradan gedir. “Qəbələ” 27 yaşlı futbolçunu transferə razı salıb və tərəflər arasında 2 illik müqavilə imzalanacaq.

Onun bu gün Xorvatiyadan Azərbaycana gələrək “Qəbələ” ilə rəsmi müqavilə imzalayacağı gözlənilir.

Xatırladaq ki, Sierra dayaq yarımmüdafiəçisidir. O, “Real Madrid” klubunun yetirməsidir və karyerası ərzində “Loqrones”, “Leonese”, “Atletiko Baleares” (hamısı İspaniya) və “Deynze” (Belçika) klublarında çıxış edib.

Qeyd edək ki, Xayme Sierranın “Varajdin”lə müqaviləsi 2026-cı il dekabrın 31-dək qüvvədədir.

• Qazaxıstanlı idmançı: “Yarışlar çox gözəl təşkil olunub, Xankəndi xoşuma gəldi”
• Filip İvanoviç: "İllərdir, "Qarabağ" Premyer Liqada favoritdir" - Müsahibə
• "Qarabağ" millinin üzvünü transfer edir - Özəl
• Françesko Kalzona: “Azərbaycan millisində italiyalı məşqçinin əli hiss olunur”
• Jorj Mikautadze: “İstirahət üçün bir gün mütləq bura gələcəm”