“Araz-Naxçıvan” mövsümün startı ərəfəsində heyətinə daha bir futbolçu qatıb.

Apasport.az saytının məlumatına görə, bunu Premyer Liqa təmsilçisinin mətbuat xidməti açıqlayıb.

Naxçıvan klubu bu gün daha bir legionerlə müqavilə imzalayıb. İqor Ribeyro 1 il ərzində “Araz-Naxçıvan”ın formasını geyinəcək. 26 yaşlı braziliyalı mərkəz müdafiəçisinin sonuncu klubu Paraqvay “Takuari”si olub. İqor vətənində “Qama”, “Bandeirante” və “Ceilandia” komandalarının heyətində də çıxış edib.  

Qeyd edək ki, "Araz-Naxçıvan" buna qədər Nuno Miguel, Vanderson, Semir Bukviç, Miço Kuzmanoviç, Numan Kurdiç, Mohammed Kadiri, İsmail Azzaoui, Elvis Maşike, Orxan Əliyev, Vüsal Şabanov, Tuqay Əlizadə, Bayraməli Qurbanov, Həzrət İsayev, Turan Manafov, Vadim Abdullayev, Nihat Qurbanlı, Nicat Süleymanov, Elçin Mustafayev, Abdulla Rzayevlə müqavilə imzalayıb.

• “Ordu”nun baş məşqçisi: “Müdafiədə yaxşı çıxış edə bilmədik”
• Millimiz “U-16 Türkdilli Ölkələr Turniri”ndə ilk oyununa çıxacaq
• Azad Gözəlov: "Azərbaycanda kanoe və avarçəkməyə gənclərin marağı çoxalıb"
• Ronaldonun müqaviləsinin detalları: 2 villa, 2 zirehli avtomobil, qola 200 min avro...
• “Real”dan Porro qərarı