Ötən gün əlverişsiz hava şəraiti ilə əlaqədar təxirə salınan "Turan Tovuz"un yoxlama oyunu bu gün keçiriləcək. 

Apasport.az-ın məlumatına görə, bölgə təmsilçisinin baş məşqçisi Ayxan Abbasov mövsümün ilk qarşılaşmasında futbolçularını Rumıniyanın “Voluntari” klubu ilə sınayacaq.

Antalyadakı “Topkapı Sport Center”in meydanında baş tutacaq görüş Bakı vaxtı ilə saat 17:00-da start götürəcək.

Qeyd edək ki, Tovuz klubu yanvarın 15-də daha 2 yoxlama görüşü keçirməyi planlaşdırır. Komanda günün ilk oyununda Macarıstan təmsilçisi “Şiofok”la, ikinci matçında isə Özbəkistan “Nasaf”i ilə qarşılaşacaq.

• “Real” futbolçularına qiymət qoydu
• Hakim Ziyeş 3-cü oldu
• Ramilin KUPONU
• Super Liqada VAR-ı əcnəbi hakimləri idarə edəcək
• Premyer Liqada tur təxirə salındı - SƏBƏB