“Zirə” Azərbaycan çempionatlarının yüksək dəstəsində 100-cü qələbəsini qazanıb.

Apasport.az xəbər verir ki, bu, Misli Premyer Liqasının XXXI turunda baş verib. Rəşad Sadıqovun yetirmələri Bakı derbisində “Neftçi”yə qalib gəlib – 3:1.

Premyer Liqada 2015-ci ildə debüt edən qəsəbə klubu 100-cü qələbəsini 263-cü görüşündə əldə edib. Zirəlilər 59 dəfə evdə, 41 dəfə səfərdə üç xala seviniblər.

“Zirə” ölkə çempionatları tarixinə 100 və daha çox qələbə qazanan 13-cü komanda kimi düşüb. Paytaxt klubunun ilk zəfəri 2015-ci il avqustun 9-da AZAL-la ev matçına təsadüf edib – 1:0.

• “Zirə” və “Şamaxı”dan qələbə
• Yığmamız Gürcüstan və Qazaxıstanla üz-üzə gələcək
• Prezident İlham Əliyev və birinci xanım Mehriban Əliyeva Gəncə şəhər stadionunda tikinti işlərinin gedişi ilə tanış olublar - YENİLƏNİB
• “Şamaxı” futbolçusu ilə müqaviləyə xitam verdi
• "Barselona" Kanselonu "Siti"yə qaytarmaq istəmir