Kamerun millisinin hücumçusu Erik-Maksim Çupo-Motinq "Bayern"lə müqaviləsinin müddətini uzatmaq üçün danışıqlara başlayıb.

Apasport.az xəbər verir ki, bu gün ilk görüş Münxen klubunun idman direktoru Hasan Salihamidjiçlə onun meneceri olan futbolçunun atası arasında baş tutub.

Danışıqlar yaxşı keçib, lakin tərəflər hələ də yekun qərar verməkdən uzaqdır. Kamerunlu gələn mövsüm ehtiyat oyunçu olmaq istəmir.

Biri "Mançester Yunayted" olmaqla, bir neçə klub qış transfer pəncərəsində bu hücumçu ilə müqavilə imzalamaqda maraqlıdır. Erik-Maksim Çupo-Motinqin "Bayern"lə hazırkı müqaviləsi bu mövsümün sonuna qədərdir. 33 yaşlı hücumçu bu mövsüm Bundesliqada 10 oyuna çıxıb, 6 qol vurub və 2 məhsuldar ötürmə edib.

• Rəşad Sadıqov: "Heç kim deyə bilməz ki, ünsiyyət zamanı hansısa qüsura yol vermişəm"
• “Savadalens”in futbolçusu: “Azərbaycanda 1-2 klub var ki, təklif olsa, gözdən keçirmək mümkündür” - MÜSAHİBƏ
• PSJ özbəkistanlı futbolçunu istəyir
• “Səbail”dən yeni transfer
• Avropa çempionu olan millimiz böyük coşqu ilə qarşılandı - FOTOLENT - VİDEO