FIFA referiləri Əliyar Ağayev və Tural Qurbanov milli komandaların beynəlxalq yoldaşlıq oyunlarına təyinat alıblar.

Apasport.az xəbər verir ki, Əliyar Ağayev Minskdə keçiriləcək Belarus – Suriya matçını idarə edəcək.

Belarus millisinə məxsus stadionda baş tutacaq görüşdə Zeynal Zeynalov və Elşad Abdullayev köməkçi, yerli referi İhar Şumilau dördüncü hakim funksiyasını yerinə yetirəcək.

Tural Qurbanov isə Kişineu şəhərində yerləşən “Zimbru” stadionunda Moldova – Bolqarıstan qarşılaşmasının baş hakimi olacaq. Ona Akif Əmirəli və Cəmil Quliyev köməklik göstərəcəklər. Moldovalı Roman Jitari dördüncü hakim kimi fəaliyyət göstərəcək.

Hər iki oyun iyunun 5-də keçiriləcək.

• AFFA-nın baş katibindən xəbərdarlıq: Aşağı dəstəyə düşəcək
• Birinci vitse-prezident Mehriban Əliyeva bədii gimnastika üzrə Avropa kubokunu izləyib
• Françesko Kalzona: “Azərbaycan millisində italiyalı məşqçinin əli hiss olunur”
• Vasili Berezutski: “Bundan imtina edə bilməzdim”
• "Qarabağ" və "Neftçi"də oynayan futbolçu 6-cı liqa klubuna keçib