Azərbaycan İslamiadada 7 boksçu ilə təmsil olunacaq
03.11.2025 - 14:53
Noyabrın 7-də Səudiyyə Ərəbistanının paytaxtı Ər-Riyadda VI İslam Həmrəyliyi Oyunları start götürəcək.
Apasport.az xəbər verir ki, 15 gün davam edəcək yarışda Azərbaycan boksçuları da mübarizə aparacaqlar.
Kişilərin yarışında Məhəmmədəli Qasımzadə (60 kiloqram), Sərxan Əliyev (70 kiloqram) və Səidcəmşid Cəfərov (80 kiloqram) çıxış edəcəklər.
Qadınların mübarizəsində isə Zeynəb Rəhimova (51 kiloqram), Nərgiz Zeynalova (54 kiloqram), Aynur Mikayılova (57 kiloqram) və Fatimə Mehdiyeva (65 kiloqram) rinqə çıxacaqlar.
Qeyd edək ki, İslamiadada boks yarışları rəsmi açılış mərasimindən öncə başlayacaq. Noyabrın 5-də start götürəcək döyüşlər 5 gün sonra yekunlaşacaq.
Oxşar xəbərlər
Ana səhifə
Bütün xəbərlər