Sabah boks üzrə Azərbaycan çempionatına start veriləcək.

Apasport.az xəbər verir ki, bunu Boks Federasiyasının mətbuat xidməti açıqlayıb.

Bakı Boks Mərkəzində təşkil olunacaq yarışda kişilər 13, qadınlar 5 çəki dərəcəsi üzrə mükafatçıları müəyyənləşəcəklər.

Altl gün davam edəcək çempionata respublikanın müxtəlif şəhər və rayonlarının klublarını, həmçinin idman cəmiyyətlərini təmsil edən 41 komandanın 200 (178 kişi, 22 qadın) boksçusu qatılacaq.

Açılış mərasimi saat 12:00-da, döyüşlər saat 12:30-da başlanacaq.

Mükafatçılar yığmanın heyətinə cəlb olunacaq və beynəlxalq yarışlarda ölkəmizi təmsil edəcəklər.

Qeyd edək ki, çempionatın baş hakimi Anar Babanlı, supervayzeri Raymond Silvas (ABŞ) olacaq.

Döyüşləri yerli referilərlə yanaşı, xarici ədalət təmsilçiləri də idarə edəcəklər. Onlardan Ço Yanq Suk (Cənubi Koreya), Muhammad Arisa Putra Pohan (İndoneziya) və Pavlo Vasilinçuk (Ukrayna) İBA-nın 3 ulduz kateqoriyasına malikdir. Bu referilərin, həmçinin dünya çempionatı və Yay Olimpiya Oyunları təcrübəsi var.

• Qurban Qurbanov birlikdə oynadığı ən güclü 3 futbolçunun adını açıqladı
• La Liqa klubunun heyətində ciddi itki - MÖVSÜMÜ BAŞA VURDU
• Rodrinin gələcəyi sual altında - “Mançester Siti” ilə razılıq yoxdur
• "Real" sabiq futbolçusunu komandaya qaytarmaq istəyir
• Rüfət Quliyev: "Bunun özü də təzyiqdir və futbolçulara təsir edir"