Azərbaycan idmançıları Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarının açılış mərasimində rəsmi paraddan keçirlər.

Apasport.az saytının Ər-Riyad şəhərinə ezam olunan əməkdaşının məlumatına görə, tədbir "Al Janadryah"da təşkil olunur.

Paradda Azərbaycan bayrağını ağırlıqqaldıran Dadaş Dadaşbəyli və voleybolçu Nilufər Ağazadə daşıyırlar.

Turnirdə 57 ölkədən 3000-dən çox idmançı 23 növdə medallar uğrunda mübarizə aparır.

Azərbaycan yarışda 20 növdə 174 idmançı ilə təmsil olunur.

Qeyd edək ki, İslamiadanın bağlanış mərasimi noyabrın 21-də olacaq.

• Taekvondoçularımız beynəlxalq turniri 3 medalla başa vurublar - FOTO
• "Neftçi" Almaniya klubu ilə qarşılaşacaq
• Dumfries "İnter"də qalmaq istəyir
• “Fehervar”ın hücumçusu: “Vəsiqə həll olunmayıb”
• “Yuventus” “Empoli” ilə bacarmadı