Azərbaycan millisi Tatarıstanda keçirilən kəmər güləşi üzrə Dünya Kuboku və dünya çempionatında 29 medal qazanıb.

Apasport.az xəbər verir ki, idmançılar kəmər güləşi koreş (klassik), kəmər güləşi koreş (çimərlik), kəmər güləşi Qırğız kuroş (sərbəst) üzrə dünya çempionatları, eləcə də belboğlı kuraş (özbək güləşi) üzrə Dünya Kubokunda mübarizə aparıblar.

Yarışlarda dünyanın 32 ölkəsindən 350-dən çox idmançı müxtəlif çəki dərəcələrində medallar uğrunda mübarizə aparıb. Yığma üzvləri 4 qızıl, 13 gümüş və 12 bürünc medal əldə ediblər.

Bundan əlavə, Azərbaycan millisi kəmər güləşi koreş (klassik) üzrə dünya çempionatında komanda hesabında ikinci olub.

Qeyd edək ki, yarışlar iyunun 25–29-da keçirilib.

• Rafael Ağayevin anasının adına Afrikada bulaq açıldı - VİDEO
• "Bizim üçün "Qarabağ"ın qələbə qazanması daha sərfəli idi, lakin hər cür gedişata hazır idik" - MÜSAHİBƏ
• Cüdoçumuzdan Avropa Kubokunda gümüş medal
• Qvardiola "Siti"dən ayrılacağını açıqladı: "SƏBƏBİNİ SORUŞMAYIN"
• Argentinanın qələbəsini qeyd edən azarkeş körpüdən yıxıldı