Türkdilli dövlətlər arasında təşkil olunan U16 yaş qrupu üzrə üzrə I komanda çempionatı başa çatıb.

Apasport.az xəbər verir ki, Türkiyənin Qaziantep şəhərində keçirilən turnirdə 6 türkdilli dövləti təmsil edən 8 komanda iştirak edib.

Yarışda Azərbaycanla yanaşı, təşkilatçı ölkə Türkiyə, Türkmənistan, Qazaxıstan, Özbəkistan və Qırğızıstanın şahmatçıları mübarizə aparıb. 
Yarış dairəvi sistem üzrə təşkil olunub.

Hər komanda bir oğlan və bir qız şahmatçıdan ibarət olub (U16 kateqoriyası üzrə).
Azərbaycan komandası 11 xalla yarışı 1-ci yerdə başa vuraraq çempion olub.

Eyni xala malik Özbəkistan təmsilçiləri əlavə göstəricilərə görə 2-ci yeri tutub. Türkiyə yarışı 3-cü yerdə başa vurub. 

Yarışın bağlanış mərasimində Azərbaycan komandasına medal və diplom təqdim olunub. Qalibin şərəfinə Azərbaycan Respublikasının Dövlət Himni səsləndirilib. 

Qeyd edək ki, Azərbaycan komandasının heyətində Rüstəm Rüstəmov və Məryəm Ağaverdiyeva çıxış edib. Komandanın kapitanı Fərid Abbasov olub.

• "Murov Az Terminal" heyətini ukraynalı voleybolçu ilə gücləndirib
• “Bu təyinat bizim üçün böyük uğurdur”
• “Viktoriya”nın müdafiəçisi: “Hava bərbad, rəqib güclü idi”
• Elmar Baxşıyev: "Həmin qol sayılsaydı, oyunun gedişi fərqli olardı" - Müsahibə
• Murad Musayev: "Bu heyətlə Premyer Liqada oynamaq çətindir"