Türkiyənin Antalya şəhərində keçirilən Parataekvondo üzrə Türkiyə Açıq Beynəlxalq Turnirində Azərbaycan parataekvondoçusu İmaməddin Xəlilov bürünc medal qazanıb.

Apasport.az xəbər verir ki, K44 kateqoriyasında 70 kq çəki dərəcəsində mübarizə aparan paralimpiyaçımız 1/8 finalda rusiyalı İvan Ovcharov, 1/4 finalda isə türkiyəli Mehmet Ünal üzərində qələbə qazanaraq yarımfinala yüksəlib.

Yarımfinaladək irəliləyən idmançımız Los-Anceles-2028 Yay Paralimpiya Oyunlarına reytinq xalları verən beynəlxalq turniri bürünc medalla başa vurub.

Qeyd edək ki, daha əvvəl Amin Əliyev, Sabir Zeynalov və Səmayə Həsənova da turnirdə bürünc medal əldə ediblər.

• Qran-Pridə Azərbaycanı 11 cüdoçu TƏMSİL EDƏCƏK
• Xüsusi Olimpiya Komitəsi və Azərbaycan Cüdo Federasiyası arasında əməkdaşlıq memorandumu imzalanıb
• Taekvondoçularımız açıq Avstriya çempionatına yollandılar
• "Ferentsvaroş"un müdafiəçisi: "Bakıya yalnız qələbə üçün gəlmişik"
• Ölkəmizi avrokuboklarda təmsil edəcək komandalar müəyyənləşdi