Çimərlik voleybolu üzrə U-20 Avropa çempionatı davam edir.

Apasport.az xəbər verir ki, İtaliyanın Battipaglia şəhərində keçirilən yarışda Azərbaycanın oğlanlardan ibarət komandası bu gün iki oyun keçirib.

İbrahim Məmmədov/Muhamməd Aslanlı dueti əvvəlcə son dünya çempionu Norveç təmsilçiləri ilə üz-üzə gəlib. Qarşılaşma rəqibin 2:1 hesablı qələbəsi ilə başa çatıb – 19:21, 21:14, 15:9.

Voleybolçularımız günün ikinci görüşündə İngiltərə təmsilçiləri ilə qarşılaşıblar. Bu dəfə də rəqib 2:0 hesabı ilə qalib gəlib – 21:14, 21:18.

Buna baxmayaraq, İbrahim Məmmədov/Muhamməd Aslanlı dueti 24-lüyə düşərək pley-off mərhələsinə vəsiqə qazanıb.

33 ölkədən ümumilikdə 40 komandanın iştirak etdiyi çempionatda Azərbaycan cütlüyü sabah pley-off mərhələsində Polşa təmsilçisi ilə qarşılaşacaq.

• Günün oyunları bu kanallarda - TV AFİŞA
• "Danışmağa çox sözüm yoxdur" - Kaxaber Tsxadadze
• Lamiyə Vəliyevadan növbəti uğur
• Kubarsi İspaniya millisinin tarixində ikinci ən gənc debütant olub
• Premyer Liqa klubu baş məşqçisi ilə yolları ayırır