Qətərdə keçirilən dünya çempionatının qrup mərhələsində Cənubi Koreya ilə oyun Qana millisinin futbolçusu Mohammed Kudus üçün əlamətdar olub.

Apasport.az saytının məlumatına görə, yarımmüdafiəçi komandasının 3:2 hesablı qələbəsinə dublla töhfə verib.

Dünənki qarşılaşmada 22 yaş 118 günlük olan Kudus bir mundial matçında dubl edən ən gənc ikinci afrikalı olub. Bu baxımdan rekordçu DÇ-2014 zamanı 21 yaş 254 günlüyündə Argentinanı iki dəfə məyus edən nigeriyalı Ahmed Musadır.

Qeyd edək ki, hazırda 3 xalla H qrupunda ikinci pillədə qərarlaşan Qana yığması son turda dekabrın 2-də Uruqvayla görüşəcək.
 

• Arif Əsədov: “Aşağı yaş millilərimizin ardıcıl məğlub olmaları təsadüfi deyil”
• “Apasport”dan 9 uduş: “Ödənişli” kuponlarda yenə poker  
• Niderland KUPONU
• “Dinamo” Sumqayıtda xalsız qaldı
• UEFA klublarımıza ödəniş edib