UEFA Avropa Liqasının əsas mərhələsinin 3-cü turunda "Beşiktaş" "Lion"un qonağı olacaq. 

Apasport.az Fransa mətbuatına istinadla xəbər verir ki, Fransada Xuliqanlığa qarşı Mübarizə Bölməsi qarşılaşmanı çox riskli dəyərləndirib. 

Bu səbəblə, "ağ-qaralı" klubun azarkeşləri səfər matçında iştirak edə bilməyəcəklər. Bu barədə Rhon əyalət qubernatoru fərman imzalayıb. 

Sənəddə “Beşiktaş” azarkeşlərinin oyun günü Lion şəhər mərkəzi, qatar stansiyaları, hava limanları, stadion və ətraf ərazilərdə olmalarının qadağan edildiyi bildirilib.

Xatırladaq ki, 2016-2017 mövsümündə UEFA Avropa Liqasının 1/4 final mərhələsində oynanılan "Lion" - "Beşiktaş" matçı öncəsi azarkeşlər arasında insidentlər yaşanıb və matç 45 dəqiqəlik gecikmə ilə başlayıb.

UEFA 2 il ərzində oxşar halların təkrarlanacağı təqdirdə hər iki komandanın 1 il avrokuboklardan kənarlaşdırılacağını açıqlamışdı.

Qeyd edək ki, "Lion" - "Beşiktaş" matçı 24 oktyabr saat 23:00-da keçiriləcək. 

• İkardi "Trabzonspor"la matçı buraxacaq
• “Əminəm ki, həm dostluq, həm də rəqabət olacaq”
• Afrika Millətlər Kuboku: Mozambik Qabonu, Sudan Ekvatorial Qvineyanı məğlub edib
• AFFA ilə “Misli” arasında sponsorluq müqaviləsi imzalanıb
• Paris-2024-də koronavirus skandalı: İdmançılarımızın səhhəti necədir? - Eksklüziv