“Monza”nın yarımmüdafiəçisi Daniel Maldini A Seriyasının bir sıra yüksək səviyyəli klublarının marağındadır.

Apasport.az xəbər verir ki, bu barədə “La Gazzetta dello Sport” nəşri məlumat yayıb.

23 yaşlı futbolçunun transferinə bir sıra klublarla yanaşı, onun keçmiş komandası “Milan” da maraq göstərir.

Maldininin “Monza” ilə müqaviləsində 2025-ci ilin iyulunda qüvvəyə minəcək və yalnız ayın sonuna qədər davam edəcək 12 milyon avro dəyərində sərbəst qalma bəndi var.

Məşhur sabiq futbolçu Paolo Maldininin oğlu A Seriyasında bu mövsüm 11 matçda 1 qol vurub və 1 məhsuldar ötürmə verib. O, oktyabr ayında İtaliya millisində debüt edib.

• Yığmamızın hücumçusu: “Səhvlərdən qaça bilmədik”
• Bundesliqa: “Leypsiq” turu bir xalla tamamlayıb
• Mehdi Hüseynzadə adına stadionun açılış matçında Hiss və Murad Arif çıxış edəcək
• "Böyük Dəbilqə": Rəcəbov və Bağırov növbəti mərhələdə, Kokauri mübarizəni dayandırıb
• DÇ-2022-də təmsil olunan klublar: “Bavariya” Qətərdədir