“Liverpul”un hücumçusu Sadio Mane “Bavariya”ya keçməyə yaxındır.

Apasport.az saytının məlumatına görə, Seneqal millisinin forvardı Almaniya çempionu ilə şəxsi müqaviləni razılaşdırıb.

Tərəflər arasında anlaşmaya əsasən, Mane münhenlilərlə 3 illik sözləşmə bağlayacaq. Artıq klublar arasındakı danışıqlar da son mərhələdədir. “Bavariya” bu transfer müqabilində ingilislərə 35+5 milyon avro təklif edib. 30 yaşlı oyunçu “Bavariya”ya keçmək istədiyindən, “Liverpul” bu keçidə mane olmayacaq.

Qeyd edək ki, Sadio Mane ötən mövsüm bütün turnirlərdə 50 oyuna çıxıb, 23 qol vurub, 2 məhsuldar ötürmə verib.

• Azərbaycan Taekvondo Federasiyasının təşkilatçılığı ilə dan imtahanı keçirilib
• AVF rəsmisi Avropa çempionatının final mərhələsində
• “Lənkəran” “Sumqayıt”a, “Quba” isə “Sərhədçi”ni məğlub edib
• Bundesliqa: “Hoffenhaym” səfərdən 1 xalla qayıdır
• Qadın voleybolçuların final mərhələsinin ilk oyunları baş tutdu