"Qalatasaray"ın heyətində ciddi itki baş verib.

Apasport.az xəbər verir ki, bunu klubun mətbuat xidməti açıqlayıb.

İstanbul təmsilçisinin yarımmüdafiəçisi Qabriel Sara zədələnib. Braziliyalı futbolçu Türkiyə Kubokunun qrup mərhələsinin I turunun "Başakşehir"lə matçında (2:2) dizindən xəsarət alıb.

25 yaşlı orta xətt oyunçusunun dizində orta səviyyədə yüklənmə və qanama aşkar edilib. Onun müalicəsinə başlanılıb.

Futbolçunun yaşıl meydanlara nə vaxt qayıda biləcəyi ilə bağlı həkimlər korpusunun qərar verəcəyi bildirilib.

Qeyd edək ki, "Qalatasaray" Qabriel Saranı mövsümün əvvəlində İngiltərənin "Norviç" klubundan transfer edib. "Sambaçı" "sarı-qırmızılar"ın heyətində meydana çıxdığı 25 rəsmi matçda 2 qol və 7 məhsuldar ötürmə ilə yadda qalıb.

• Maradonanın oğlu: “Atamla Messini futboldan anlamayanlar müqayisə edirlər”
• Bakıda UEFA-nın PRO kateqoriyalı məşqçi kursunun I mərhələsi keçirilib
• “Çelsi”nin sabiq baş məşqçisi ABŞ millisi ilə anlaşıb
• UEFA-nın dəstəyi ilə Ağcabədidə futbol festivalı keçirilib
• Taekvondoçularımız Belçikada 6 medal qazanıblar