“Zirə” Rəşad Sadıqovun rəhbərliyi altında 50-ci qələbəsini qazanıb. 

Apasport.az xəbər verir ki, bu, həm də baş məşqçi karyerasında yalnız bir klubu çalışdıran 41 yaşlı mütəxəssisin 50-ci uğuru olub.

Yubiley Azərbaycan kubokunun 1/8 final mərhələsinə təsadüf edib. Qəsəbə klubu ev oyununda 2:1 hesablı əzmkar qələbə qazanıb.

Sadıqov 2020-ci ilin yayından rəhbərlik etdiyi “Zirə”ni ümumilikdə 125-ci matça çıxarıb. Paytaxt təmsilçisi onun rəhbərliyi altında 26 dəfə evdə, 24 dəfə səfərdə qalib gəlib.

Sadıqovun baş məşqçiliyi altında ilk qələbə 2020/21 mövsümünə təsadüf edib. “Qartallar” 2020-ci il sentyabrın 12-də Premyer Liqanın “Səbail”lə səfər oyununda 2:1 hesabı ilə qalib gəlib.

• Azərbaycan Qran-Prisinin qlobal izləyici kütləsi rekord həddə çatacaq
• Qurban Qurbanov: “Kubok oyunlarını burada keçirməyi istəyirik”
• Şeydayevli "Buriram"dan qollu bərabərlik
• Uels şahzadəsindən İngiltərə millisinə DƏSTƏK
• “Real” Mbappe üçün bu addımı da atacaq