“Barselona”nın hücumçusu Robert Levandovski La Liqanın II turunun “Real Sosyedad”la oyununda bir sıra statistik nailiyyətlərə imza atıb.

Apasport.az saytının məlumatına görə, komandasının 4:1 hesablı qələbəsinə dublla töhfə verən polşalı ulduz futbolçu 2009-cu ildən bəri kataloniyalıların ən erkən qolunun müəllifi olub.

1-ci dəqiqədə fərqlənən forvard eyni zamanda son 18 ildə “Barsa”nın heyətində ən erkən səfər qoluna imza atıb. Axırıncı dəfə 2004-cü ildə Xavyer Saviola hakimin start fitindən dərhal sonra fərqlənib.

Levandovski həmçinin doğum günündə dubl edən üçüncü “Barsa” oyunçusu olub. Ona qədər 1996-cı ildə Ronaldo, 1998-ci ildə isə Xulio Salinas bunu bacarıb.

Qeyd edək ki, Robert Levandovski “Barselona”ya yay fasiləsində 45 milyon avroya “Bavariya”dan keçib.

• Əliyar Ağayev “Mançester Siti”nin oyununda
• Vüsal İsgəndərli vəfat edən komanda yoldaşı barədə: "Şoka salan hadisədir" - Müsahibə
• Taekvondoçularımızdan G-2 kateqoriyalı yarışda 4 medal
• Millinin oyununu fransız hakim idarə edəcək
• Dünya çempionatı: Avropa 11, Asiya 2