Bu gün Konfrans Liqasının pley-off mərhələsinin püşkü atılıb.

Apasport.az xəbər verir ki, tədbir UEFA-nın İsveçrənin Nyon şəhərindəki mənzil-qərargahında baş tutub.

Mərasimdə Türkiyə təmsilçiləri “Beşiktaş” və “Başakşəhər”in də potensial rəqibləri müəyyənləşib.

“Qara qartallar” III təsnifat mərhələsində “St. Patriks Atletiks” səddini keçəcəyi halda, pley-offda “Lozanna” (İsveçrə) – “Astana” (Qazaxıstan) cütünün qalibi ilə qarşılaşacaq.

“Başakşəhər” isə “Vikinq”i məğlub etdiyi təqdirdə, növbəti mərhələdə “Universitatya Krayova” (Rumıniya) – “Spartak Trnava” (Slovakiya) cütünün qalibi ilə üz-üzə gələcək.

Qeyd edək ki, bu mərhələnin ilk oyunları 21 avqust, cavab qarşılaşmaları isə 28 avqust tarixində keçiriləcək.

• Naxçıvan Futbol Federasiyasının prezidentinin şirkəti ilə bağlı məhkəmə işi açılıb
• Aziz Yıldırım: “Artıq uşaqlar “Fənərbaxça”lı olmur” - VİDEO
• “Kasımpaşa” “Fənərbaxça”nın daha bir futbolçusunu heyətinə qatıb
• "Zirə" Türkiyə klubunu darmadağın etdi - YENİLƏNİB
• "Turan Tovuz"dan ayrıldı - İsrail klubunda çıxış edəcək