“Komandada ab-hava yerindədir. İdeal formada olmağa, baş məşqçinin tapşırıqlarını yerinə yetirməyə çalışırıq”.

Bu sözləri apasport.az saytına açıqlamasında “Turan Tovuz”un kapitanı Şəhriyar Əliyev deyib.

Təcrübəli müdafiəçi Misli Premyer Liqasının VI turundakı rəqibləri “Sabah” barədə fikirlərini bildirib:

“Hər oyuna xal və xallar qazanmaq üçün çıxırıq. Növbəti turda bizi səfərdə “Sabah”la ağır matç gözləyir. Çətin olacaq. Lakin rəqibi düzgün analiz edib, yaxşı hazırlaşıb, sərfəli nəticə qazanmağa çalışacağıq. Bu mövsüm məğlub olmamışıq. Heç bir qarşılaşmaya xüsusi motivasiya ilə çıxmırıq. Əksinə turnir cədvəlində lider olduğumuz üçün rəqiblər bizlə oyunlarda daha motivasiyalı olur. Bazar günü əlimizdən gələni edib azarkeşlərimizi sevindirməyə çalışacağıq”. 

Qeyd edək ki, “Sabah” - “Turan Tovuz” matçı sentyabrın 15-də keçiriləcək.
 

• "Fulhem"in futbolçusu İstanbul nəhəngində
• "Qalatasaray"dan İkardinin durumu ilə bağlı AÇIQLAMA
• "Qəbələ" təlim-məşq toplanışına başladı
• Prezident İlham Əliyev “Formula 1”in prezidenti və baş icraçı direktorunu, məsləhətçisini və britaniyalı supermodeli qəbul edib
• Fərrux Mahmudov: “İki futbolçuya təklif göndərilib, cavab gözləyirik”