İspaniyanın Pontevedra şəhərində keçirilən güləş üzrə U-20 dünya çempionatı davam edir.

Apasport.az xəbər verir ki, turnirin 5-ci günündə sərbəst güləşçilərin mübarizəsinə start verilib.

97 kq çəki dərəcəsində Xetaq Karsanov ilk mərhələdə qırğızıstanlı Aitenir Maksatovu məğlub edib - 11:0. Ardınca o, türkiyəli Rifat Ereni 2:1 hesabıyla üstələyib.

İdmançımız yarımfinalda slovakiyalı Adam Jaksiki də üstələyərək (5:0) finala vəsiqə qazanıb. Təmsilçimiz həlledici qarşılaşmada qazaxıstanlı Rizabek Aitmukana yenilib - 0:10. Bununla da, o, gümüş medalla kifayətlənib.

Qeyd edək ki, Azərbaycan yığması bunadək 2 gümüş, 2 bürünc medal qazanıb.

• "Ayntraxt"ın yarımmüdafiəçisi Premyer Liqa yolunda
• Roys "Borussiya"nı tərk edir
• Şahin Diniyev: “Sadəcə keyfiyyət məsələsində geri qaldıq”
• “Bornmut”un futbolçusu “Nyukasl”ın maraq dairəsində
• Ruslan Əmircanov 2-ci liqa klubunda