Azərbaycan cüdoçuları Yaponiyada təlim-məşq düşərgəsindədir.

Apasport.az xəbər verir ki, toplanışa böyüklərdən və gənclərdən ibarət yığma komandaların ümumilikdə 30 üzvü cəlb edilib. Hazırlıq prosesi martın 21-nə qədər davam edəcək.

Düşərgəyə əsas milli komanda Tokai Universitetində, gənclər isə Kokuşikan Universitetində start verib. Daha sonra idmançılarımız hazırlığı Kodokan Təlim Mərkəzində davam etdirəcək. Təlim məşqin növbəti hissəsində Yaponiya milli komandasının cüdoçuları da iştirak edəcək. 

Təlim-məşq toplanışı aprel ayında Monteneqroda baş tutacaq Avropa çempionatına və may ayında keçiriləcək beynəlxalq turnirlərə uzunmüddətli hazırlığın bir hissəsidir.

Hazırlıq prosesində böyüklərdən ibarət yığmaya baş məşqçisi Riçard Trautman və böyük məşqçilər Elçin İsmayılovla Slavko Tekiç, gənclərdən ibarət milliyə isə baş məşqçi Rüstəm Alimli, məşqçilər Elxan Rəcəbli və Kotaro Sasaki rəhbərlik edir.

• İstanbulda mərc qalmaqalı: Futbolçular və klub rəhbərləri saxlanılıb
• "Mançester Yunayted" son 11 ildə ilk dəfə avrokuboklardan kənarda qalıb
• Boksçularımız Rusiyadakı turnirdə yarımfinala vəsiqə qazanıblar
• "Qalatasaray" Barış Alper Yılmazla yeni müqavilə imzalayıb
• "Qalatasaray"lıları əsəbiləşdirən hərəkət: "Kasımpaşa" oyundan sonra... - VİDEO