"Yuventus"un amerikalı yarımmüdafiəçisi Ueston Makkenni tezliklə klubu ilə yeni müqavilə imzalamağa hazırlaşır.

Apasport.az xəbər verir ki, bu barədə insayder Nikolo Şira məlumat yayıb. 

Tərəflər əvvəlki idman direktoru - Kristiano Qiuntoli dövründə razılığa yaxın idilər, lakin klub sonradan danışıqları dayandırmışdı. 

Mənbənin sözlərinə görə, yeni baş direktor Damien Komolli sövdələşməni başa çatdırmağa hazırdır.

26 yaşlı futbolçu ilə 2028-ci ilə qədər müqavilə imzalanacaq. Onun maaşı ildə təxminən 3,3 milyon avro olacaq.

Makkenni ötən mövsüm Turin klubunun heyətində 44 oyunda 5 qol vurub və 4 məhsuldar ötürmə edib. Futbolçunun hazırkı müqaviləsi 2026-cı ildə başa çatacaq.

• "Benfika" "Fənərbaxça"nın təklifinə cavab verməyib
• Xviçadan unikal nailiyyət
• “Feyenord” tribunalarında "istefa" səsləri: Van Persinin taleyi sual altındadır
• Güləşçilərimiz Dünya seriyasında 1 qızıl və 1 bürünc medal qazanıblar
• "Atalanta" Lukman üçün 50 milyon avro tələb edir - "İnter" daha az təklif edir