Türkiyə millisinin daha bir futbolçusu legioner həyatı yaşaya bilər.

Apasport.az saytının məlumatına görə, “Qalatasaray”ın yarımmüdafiəçisi Taylan Antalyalı ölkə xaricindən təklif alıb.

26 yaşlı orta sahə oyunçusu “Atalanta”nın maraq dairəsinə düşüb. A seriyası təmsilçisinin skautları mövsümün əvvəlindən izlədiyi Taylanı bəyənib. İtalyanlar qış fasiləsində bu transferlə bağlı “cim-bom”la danışıq aparmağı planlaşdırır. Baş məşqçi Can Pyero Qasperini də onu sərəncamında görmək istədiyini rəhbərliyə bildirib.

Qeyd edək ki, müqavilə müddəti 2026-cı ilin yayına qədər olan Taylan Antalyalı bu mövsüm “Qalatasaray”ın heyətində 23 oyunda iştirak edib.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA