“Rüstəm Əhmədzadə əvvəldən bizim planımızda var idi”.

Apasport.az saytının məlumatına görə, bunu “Qarabağ”ın baş məşqçisi Qurban Qurbanov “Minay”dan transfer edilən Rüstəm Əhmədzadənin keçidi barədə danışarkən deyib.

Təcrübəli mütəxəssis 2026-cı ilin yayına qədər ağdamlılarla müqavilə bağlayan gənc forvardın bir müddətdir maraq dairəsində olduğunu söyləyib: “Rüstəm milliyə cəlb olunandan sonra diqqətimi çəkmişdi. Yığmanın heyətindəki oyunlarını izləyirdim. Böyük potensialı olduğunu gördüm və dəvət elədim”.

O, Premyer Liqanın ikinci yarısından tətbiq olunacaq VAR sisteminin fayda verəcəyini düşünür: “VAR sisteminin tətbiqindən sonra narazılıqların azalıb-azalmayacağını bilmirəm. Hər halda bir faydası dəyəcək. Ancaq bəzi problemlər yenə ola bilər. Bunu gələcəkdə görəcəyik”.
 

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA