Bakı. Mehman Süleymanov - APA-Sport. “Bordo” klubunun qapıçısı Matye Valverd Fransa çempionatının son turunda “Oser”lə görüşdə huşunu itirib. “APA-Sport”un məlumatına görə, 25 yaşlı qapıçı ilk hissənin sonunda rəqib hücumçu ilə toqquşmadan sonda nokauta düşüb. Həkimlərin səyinə baxmayaraq, Matye meydanda özünə gəlməyib. Belə olan halda, Valverd dərhal hospitala yerləşdirilib və məhz orada onun həyatı xilas etmək mümkün olub. İlkin müayinə qapıçının sağlamlığında ciddi problemin olmadığını göstərib. Bununla belə, “Bordo”nun qapıçısı “Qenkam”la kubok, “Lion”la çempionat oyununda meydana çıxa bilməyəcək. Valverdin noyabrın 26-da “Çelsi” ilə Çempionlar Liqası görüşündə qədər sağalacağı deyilir.

• “Yuventus”un B planı: TOMORİ
• “Çelsi” yetirməsini geri çağırdı
• "Fənərbaxça"da növbəti problem - Livakoviç sıradan çıxdı
• "Qalatasaray" onun üçün "Aston Villa" ilə danışıqlara başladı
• "Barselona" mərkəz müdafiəçisi ilə müqavilə yeniləyəcək