Bakı. Aqşin Əliyev - APA-Sport. Portuqaliya Futbol Federasiyasının rəhbərliyi Azərbaycan yığması ilə 2009-cu il aprelin 1-də yoldaşlıq görüşü keçirmək təklifinə hələlik cavab verməyib. Bu haqda “APA-Sport”a məlumat verən AFFA-nın baş katibi Elxan Məmmədovun sözlərinə görə, portuqaliyalılar təklifi dəyərləndirmək üçün daha bir həftə möhlət istəyiblər.

Hərçənd, qarşı tərəfin milli assosiasiyamıza noyabrın 10-dək cavab göndərəcəyi gözlənilirdi. Lakin qeyri-müəyyən səbəbdən AFFA-ya məktub göndərilməyib. Elxan Məmmədov vurğulayıb ki, portuqaliyalıların cavabına uyğun müvafiq tədbir görüləcək: “Portuqaliya Futbol Federasiyasının rəsmiləri ilə telefonla danışmışam. Onlar bu həftə bizə qəti cavab verəcəklər. Əgər Portuqaliya milli komandamızla oynamaqdan imtina etsə, aprelin 1-i üçün başqa rəqib axtaracağıq”.

• “Fənərbaxça”nın sükanı keçmiş ulduzuna həvalə edildi – RƏSMİ
• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!
• İkardi “İnter”ə qayıtmaq istəyir – “Bu hekayə bitməyib”
• Derbinin cəzaları açıqlandı – “Qalatasaray” və “Fənərbaxça”ya ağır zərbə