Azərbaycan çempionatında 10 ən bahalı futbolçu

14.11.2008 - 15:49

Bakı. Aqşin Əliyev - APA-Sport. Azərbaycan Premyer Liqasında oynayan ən bahalı 10 futbolçunun adı müəyyənləşib. “APA-Sport”un Almaniya mətbuatına istinadən məlumatına görə, ölkə çempionatında ən yüksək transfer qiymətinə malik futbolçu “Xəzər-Lənkəran”ın şərəfini qoruyur.

Bu, yayda Türkiyə “Sivasspor”undan Lənkərana təmsilçisinə keçmiş Devran Ayhandır. Azərbaycana əsgərlik probleminin həlli üçün gələn 30 yaşlı yarımmüdafiəçini almaq istəyən komanda 1,8 milyon avro xərcləməlidir.

Maraqlıdır ki, ən bahalı futbolçularla bağlı ilk “onluq”da yer alanların hamısı əcnəbilərdir. Azərbaycanlı oyunçulardan ən dəyərlisi “Neftçi”də çıxış edən Zaur Tağızadə sayılıb - 400 min avro. Onun həmklubu, eləcə də yığmanın kapitanı, 2006-cı və 2007-ci illərdə ölkəmizin ən yaxşı futbolçusu seçilmiş Rəşad Sadıqovun adına isə siyahıda rast gəlmək qeyri-mümkündür.

	Adı, soyadı	Ölkəsi	Oynadığı klub	Transfer qiyməti (avro ilə)
1.	Devran Ayhan	Türkiyə	“Xəzər-Lənkəran”	1 800 000
2.	Suat Usta	Türkiyə	“Neftçi”	1 000 000
3.	Vilson Junior	Braziliya	“İnter”	700 000
4.	Georgi Demetradze	Gürcüstan	“Bakı”	600 000
5.	Əli Cansun	Türkiyə	“Neftçi”	500 000
6.	Artim Şakiri	Makedoniya	“Qarabağ”	500 000
7.	Draqan Naçevski	Makedoniya	“Bakı”	500 000
8.	Andrey Rubin	Latviya	“İnter”	450 000
9.	Aleksandr Çertoqanov	Ukrayna	“Neftçi”	450 000
10.	Aleksandr Tomaş	Bolqarıstan	“Bakı”	425 000