Bakı. Mehman Süleymanov - APA-Sport. “Neftçi”nin hücumçusu Georgi Adamiya karyerasını Rumıniyada davam etdirə bilər. “APA-Sport”un məlumatına görə, 27 yaşlı gürcüstanlı futbolçu bu ölkənin yüksək liqasında çıxış edən “Otselul”a baxışa yollanacaq.

Vaxtilə “Neftçi”nin heyətində “Otselul”a qarşı oynayan Georgini rumınlar hələ ötən il transfer etmək istəyirdi. Ancaq “Vaslui”yə yoxlama oyununda iki qol vuran Adamiyanı “Neftçi” həmin vaxt buraxmayıb. İndi isə flaqman əsas komandadan kənarlaşdırdığı gürcü hücumçuya ciddi problem yaratmır. Adamiyanın baxışa getməsinə imkan yaradan “Neftçi” rəhbərliyi futbolçu bəyənilərsə, transferlə bağlı danışıqlar aparmağa hazırdır. “Otselul” Georgini bəyənməzsə, onun Rumıniyada başqa klubda da baxışdan keçməsi nəzərdə tutulub. Səfərə hazırlaşan “Neftçi”nin futbolçusunun gələcək taleyinə ayın sonunadək aydınlıq gələcəyi gözlənilir.

Qeyd edək ki, 2005-ci ilin yanvarından “Neftçi”də çıxış edən Adamiyanı hazırkı alman baş məşqçi Hans-Yurgen Gede zəif oyununa görə ikinci komandaya göndərib. Klubla cari mövsümün sonuna qədər müqaviləsi olan Georgi “Neftçi-2”də çıxış etmək istəmir.

• "Arsenal"ın futbolçusu: "Tottenhem"ə 10 qol vura bilərdik, bəxtimiz gətirmədi"
• 18 yaşlı belaruslu "Porto"da
• "Qalatasaray" Barış Alper üçün 30 milyon istəyir
• Millimizin üzvü oynadı, komandası bərabərə qaldı
• Juninyo: "Qarabağ"da olduğum illər həyatımın ən gözəl anları idi" - VİDEO