Bakı - APA-Sport. İnternetdə ən tanınmış idman adamlarının reytinq cədvəli müəyyənləşdirilib. “APA-Sport”un məlumatına görə, 100 nəfərlik siyahıda birinci yeri İngiltərə yığmasının və ABŞ-ın “Los Anceles Qalaksi” klubunun futbolçusu Devid Bekhem tutub. İkinci sırada Portuqaliya milli komandasının və “Mançester Yunayted”in şərəfini qoruyan Kriştianu Ronaldo qərarlaşıb. İlk “üçlüy”ü planetin bir nömrəli tennisçisi ispaniyalı Rafael Nadal qapayır.

Siyahıda yer alan yeganə türk Nihat Qəhvəçidir. İspaniya “Vilyareal”ında oynayan futbolçu 85-ci sıradadır. Bununla belə, reytinq cədvəlində Türkiyə ilə bağlı daha 3 ada rast gəlmək mümkündür. Yayda İspaniya yığmasına Avropa çempionu titulunu qazandıran və ardından “Fənərbaxça”ya baş məşqçi təyin olunan Luis Araqones 4-cü yerdədir. O, hətta əfsanəvi futbolçu Dieqo Armando Maradonanı bir pillə qabaqlamağı bacarıb. “Fənərbaxça”nın futbolçuları –Daniel Quiza 16-cı, Roberto Karlos isə 70-ci yerdədir.

• Sabiq “Fənər”li Belçika klubunda
• "Qalatasaray"ın sabiq baş məşqçisi "Beşiktaş" yolunda
• "Barselona" axtardığı qapıçını Fransada tapdı
• Super Liqadan La Liqa klubuna
• Türkiyə millisinin üzvü əməliyyat olunacaq