Almaniyanın ikinci liqasının son turunda “Münhen-1860” - “St. Pauli” matçında qeyri-adi hadisə baş verib. Apasport.az saytının məlumatına görə, qarşılaşmanın gedişində gözlənilmədən iki fanat - bir kişi və bir qadın meydançaya giriblər.

Bədənlərini futbol formasına uyğun rəngləyən cütlük meydançada olduğu 1-2 dəqiqəni çox romantik keçirib. Onlar meydançanın ortasında dayanaraq, öpüşüblər.

Elə bu an asayiş keşikçiləri özlərini onlara yetiriblər. Təhlükəsizlik işçiləri bir-birinin əlindən tutmuş mehriban cütlüyü meydançadan çıxarıblar.

Bu mənzərə həm futbolçuların, həm də azarkeşlərin təəccübünə səbəb olub. “Münhen-1860” klubunun 5:1 hesablı qələbəsi ilə başa çatan oyunda ən çox yaddaqalan qollar yox, iki fanatın qeyri-adi davranışı olub.

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı