Azərbaycan yığmasının sabiq baş məşqçisi Şahin Diniyevin rəhbərlik etdiyi Rusiyanın “Terek” klubu növbəti oyununu keçirib. Apasport.az saytının məlumatına görə, Qroznı təmsilçisinin əvəzediciləri Premyer Liqa klublarının gənclərdən ibarət komandalarının çempionatında keçirilən 6-cı turun matçına çıxıb.

Diniyevin yetirmələri “Saturn”la qarşılaşmada minimal hesabla məğlub olub – 0:1. Görüşün 61-ci dəqiqəsində vurulan qol “Terek”i üçüncü məğlubiyyətlə barışdırıb. Son 4 matçda qələbəyə həsrət qalan mütəxəssis ardıcıl ikinci məğlubiyyətə üzülüb. Hazırda 6 oyundan 7 xal toplayan Diniyevin komandası 16 iştirakçı arasında 11-ci pillədə qərarlaşıb.

Qeyd edək ki, “Terek”in gənclərdən ibarət komandası növbəti oyununu mayın 1-də səfərdə “Tom”a qarşı keçirəcək.

• Lidholmun ideal "11-liyi" - Barezi, Barezi, Barezi...
• "Real Madrid" Mastantuono ilə bağlı qərar verdi - Argentinalı göndəriləcək
• 64 komandalı dünya çempionatı: FİFA işlərə start verdi
• "Arsenal"dan 90 milyon avroluq transfer - "Nyukasl"ın ulduzu yoldadır
• İnfantinonun müşaviri istefa verdi - Dünya çempionatının satılmasına etiraz etdi